काठमाडौं, १४ साउन । ‘ग्लोबल टाइगर डे’ को अवसरमा आयोजित एक कार्यक्रममा प्रधानमन्त्री तथा कांग्रेस सभापति शेरबहादुर देउवा, नेकपा (एमाले) का वरिष्ठ नेता माधव कुमार नेपाल र नेपालका लागि भारतीय राजदूत विनयमोहन क्वात्रा एउटै मञ्चमा देखिएका छन् ।
आज (बिहीबार) ललितपुरमा बाघ संरक्षण समितिले गरेको कार्यक्रममा उनीहरुले स्टेज सेयर गरेका छन् । उक्त कार्यक्रममा बोल्दै प्रधानमन्त्री देउवाले बाघको बासस्थान संरक्षण गर्न, चोरी निकासी रोक्न सरकार प्रतिबद्ध रहेको धारणा राखेका थिए । तस्विर : मुकुन्द कालिकोटे, रिपोर्टर्स नेपाल डटकम
