एजेन्सी, ११ भदौ । भारतमा गोलभेडाको मूल्य झरेर प्रतिकेजी २ रुपैयाँमा पुगेको छ । गोलभेडाको मूल्यमा अत्याधिक गिरावट आएपछि किसानहरु समस्यामा परेका छन् ।
महाराष्ट्र राज्यको नासिक र औरंगावादका किसानहरुले गोलभेडा सडकमै फालेका छन् । उनीहरुले ट्रकमा गोलभेडा भरेर सडकमा फालेका हुन् ।
होलसेल बजारमा गोलभेडाको मूल्य भारु २ मा झरेको छ । मूल्यमा गिरावट आएपछि किसानहरुको टिपेको खर्च समेत नउठ्ने भएको छ ।
भारतमा यो मौसममा गोलभेडा अत्याधिक उत्पादन हुन्छ । यसवर्ष अत्याधिक उत्पादन भई बजार नपाउँदा मूल्यमा गिरावट आएको छ ।
Photo Source: ANI
