सनराइज बैंकको अब खजुराखुर्दमा शाखारहित बैंकिङ सेवा

काठमाडौं, २१ कात्तिक । सनराइज बैंकले थप एक शाखारहित बैंकिङ सेवा सुरु गरेको छ । बैंकले बाँके जिल्लाको जानकी गाउँपालिका वडा न ४ खजुराखुर्दमा आफ्नो ७९औं शाखारहित बैंकिङ सेवा संचालनमा ल्याएको जनाएको छ ।

उक्त शाखा रहित बैंकिङ सेवाको उद्घाटन जानकी गाउँपालिकाका अध्यक्ष भुमिसरा धिताल र बैंकका नेपालगंज शाखाका शाखा प्रबन्धक अनिल बज्राचार्यले सयुक्त रुपमा गरेका हुन् । उक्त शाखा रहित बैंकिङ सेवाका लागि ब्यावसायिक प्रतिनिधिका रुपमा ललिता मिश्रलाई नियुक्त गरेको बैंकले जनाएको छ ।

बैंकले हाल ७९ शाखारहित बैंकिङ सेवा, १३९ वटा शाखा कार्यालय र १५८ एटिएमबाट बैंकिङ सेवा दिँदै आएको छ ।