एजेन्सी, २५ कात्तिक । यतिबेला ट्वीटरमा बरुण गान्धी चर्चामा छन् । उनले बलिउड नायिका कंगना रनौटले टेलिभिजन कार्यक्रममा दिएको अभिव्यक्तिलाई लिएर चर्को आलोचना गरेका छन् ।
भाजपाका सांसद समेत रहेका बरुणले कंगनाले भारतले सन् २०१४ मा मात्र स्वतन्त्रता पाएको अभिव्यक्ति दिएपछि आलोचना गरेका हुन् । उनले कंगनाको अभिव्यक्तिबारे भनेका छन्ः ‘यो सोचलाई म पागलपन भनुँ या देशद्रोह ?’
सन् २०१४ मा नरेन्द्र मोदी भारतको प्रधानमन्त्री भएका थिए । भाजपाले बहुमत ल्याएर मोदी सत्तामा आएको वर्षलाई उनले स्वतन्त्रता मिलेको भनेकी छिन् । कंगना भाजपाको पक्षमा देखिन्छिन् । उनले कडा अभिव्यक्ति दिएर विवाद र चर्चा बटुल्दै आएकी छिन् ।
बरुण गान्धी भाजपामा छन् । गान्धी परिवारका सदस्यमध्ये बरुण र उनकी आमा मेनका गान्धी मात्र भाजपामा छन् ।
तर, बरुणले कंगनाप्रति आक्रोश पोख्दै ट्वीटरमा लेखेका छन्ः ‘कहिले महात्मा गान्धीको त्याग र तपस्याको अपमान, कहिले उनको हत्याराको सम्मान, कहिले शहीद मंगल पाण्डेय देखि रानी लक्ष्मीबाई, भगत सिंह, चन्द्रशेखर आजाद, नेताजी सुभाषचन्द्र बोस र लाखौं स्वतन्त्रता सेनानीको बलिदानीको तिरस्कार । यो सोचलाई म पागलपन भनुँ कि देशद्रोह ?’
कभी महात्मा गांधी जी के त्याग और तपस्या का अपमान, कभी उनके हत्यारे का सम्मान, और अब शहीद मंगल पाण्डेय से लेकर रानी लक्ष्मीबाई, भगत सिंह, चंद्रशेखर आज़ाद, नेताजी सुभाष चंद्र बोस और लाखों स्वतंत्रता सेनानियों की कुर्बानियों का तिरस्कार।
इस सोच को मैं पागलपन कहूँ या फिर देशद्रोह? pic.twitter.com/Gxb3xXMi2Z
— Varun Gandhi (@varungandhi80) November 11, 2021