काठमाडौं, १ मंसिर । फिफा विश्वकप छनोटमा ब्राजिल र अर्जेन्टिनाबिचको खेल बराबरीमा रोकिएको छ । बुधबार बिहान भएको खेलमा ब्राजिल र अर्जेन्टिना गोलरहित बराबरीमा रोकिएका हुन् ।
अर्जेन्टिनाको घरेलु मैदानमा भएको खेलमा दुबै टोलीले पाएको मौकालाई सदुपयोग गर्न नसक्दा खेल बराबरिमा रोकिएको हो ।
यस बराबरीसँगै अर्जेन्टिना विश्वकपमा छनोट भएको छ ।
ब्राजिल भने यसअघि नै विश्वकपमा छनोट भइसकेको छ ।
ब्राजिलले १३ खेलमा ३५ अंक जोड्दै समूहको शीर्ष स्थानमा रहेको छ । १३ खेलबाट २९ अंक जोडेको अर्जेन्टिना दोस्रो स्थानमा रहेको छ ।
