काठमाडौं, ९ मंसिर । च्याम्पियन्स लिग फुटबलको समूह चरणमा लिभरपुलले लगातार पाँचौ जित निकालेको छ ।
बुधबार राति भएको खेलमा पोर्चुगिज क्लब एफसी पोर्टोलाई २–० गोल अन्तरले पराजित गर्दै लिभरपुलले आफ्नो अपराजित यात्रा कायमै राखेको हो ।
खेलको पहिलो हाफ गोल रहित बराबरीमा सकिएको थियो ।
खेलको ५२ औं मिनेटमा थियागो अलाकान्टराले गोल गर्दै लिभरपुललाई अग्रता दिलाएका थिए ।
साथै, खेलको ७० औं मिनेटमा मोहमद सलाहले गोल गर्दै लिभरपुललाई २–० को जित दिलाए ।
यस जितसँगै लिभरपुलले ५ खेलमा १५ अंक जोडेको छ ।
लिभरपुल यस अघि नै नकआउट चरणमा पुगिसकेको छ ।
पोर्टो ५ अंक जोडेर दोस्रो स्थानमा रहेको छ ।
