काठमाडौं, १० मंसिर । युरोपा कन्फरेन्स लिग फुटबलमा इंग्लिस क्लब टोटेनहम पराजित भएको छ ।
बिहीबार राति भएको खेलमा टोटेनहमलाई मुरा एफसीले २–१ गोल अन्तरले पराजित गरेको हो ।
खेलको ११ औं मिनेटमा टोमी होर्भाटले गोल गर्दै मुरालाई सुरुवाति अग्रता दिलाएका थिए ।
खेलको ३१ औं मिनेटमा रायनले रातो कार्ड पाएपछि टोटेनहम १० खेलाडीमा सिमित भएको थियो ।
७२ औं मिनेटमा ह्यारी केनले गोल गर्दै टोटेनहमलाई १–१ गोलको बराबरीमा फर्काएका थिए ।
साथै, खेलको इन्जुरी समयमा अमादेज मारोसाले गोल गर्दै मुरालाई २–१ को जित दिलाएका थिए ।
यस हारसँगै ५ खेलमा ७ अंक जोडेको टोटेनहम समूह ‘जी’ को तेस्रो स्थानमा रहेको छ ।
३ अंक जोडेको मुरा पुछारमा रहेको छ ।
