काठमाडौं, १० मंसिर । युरोपा लिग फुटबलमा लेस्टर सिटीले लेजिया वार्समाथि जित निकालेको छ ।
समूह चरण अन्तर्गत बिहीबार राति भएको खेलमा लेस्टरले लेजिया वार्सलाई ३–१ गोल अन्तरले हराएको हो ।
लेस्टर सिटीको घरेलु मैदानमा भएको खेलमा पाट्सन डाकाले ११औं मिनेटमा गोल गर्दै टोलीलाई सुरुवाति अग्रता दिलाएका थिए ।
खेलको २१ औं मिनेटमा जेम्स म्याडिसनले गोल गर्दै टोलीको अग्रता दोब्बर बनाएका थिए ।
साथै, खेलको २६ औं मिनेटमा लेजियाका फिलिपले गोल गर्दै खेललाई २–१ को अवस्थामा ल्याएका थिए ।
तर, त्यसको १० मिनेट पछि विलफ्रेड एनडीडीले गोल गर्दै लेस्टरलाई ३–१ को जित दिलाएका थिए ।
जितसँगै ५ खेलमा ८ अंक जोडेको लेस्टर समूह ‘सी’ को शीर्ष स्थानमा उक्लिएको छ ।
६ अंक जोडेको लेजिया तालिकाको पुछारमा रहेको छ ।
