काठमाडौं, १२ मंसिर । इंग्लिस प्रिमियर लिग फुटबलमा लिभरपुलले साउथह्याम्पटनमाथि सहज जित निकालेको छ ।
शनिबार राति भएको खेलमा लिभरपुलले साउथह्याम्पटनलाई ४–० गोल अन्तरले हराउदै फराकिलो जित निकालेको हो ।
लिभरपुललाई जित दिलाउन डिएगो जोटाले दुई गोल गरेका थिए । थियागो अलाकान्टरा र भिर्गिल भान डाइकले एक एक गोल गरे ।
लिभरपुलको घरेलु मैदानमा भएको खेलमा दोस्रो मिनेटमै डिएगो जोटाले गोल गर्दै टोलीलाई सुरुआती अग्रता दिलाएका थिए ।
खेलको ३२ औं मिनेटमा जोटाले व्यक्तिगत दोस्रो गोल गर्दै टिमको अग्रता दोब्बर बनाएका थिए ।
साथै, खेलको ३७ औं मिनेटमा थियागो अलाकान्टराले गोल गर्दै खेल ३–० को अवस्थामा पुगेको थियो ।
खेलको ५२ औं मिनेटमा भिर्गिल भान डाइकले गोल गर्दै लिभरपुललाई ४–० को शानदार जित दिलाए ।
जितसँगै लिभरपुल २८ अंकका साथ दोस्रो स्थानमा रहेको छ भने १४ अंक जोडेको साउथह्याम्पटन १४ औं स्थानमा रहेको छ ।
प्रतिक्रिया