सुर्खेत, १२ मंसिर । सुर्खेतका बन रक्षक मृत अवस्थामा फेला परेका छन् । चौकुने गाउँपालिका बिजौरा पोस्टका बन रक्षक विरेन्द्रनगर–१२ का ४५ वर्षीय महानन्द आचार्य मृत अवस्थामा भेटिएको प्रहरीले जनाएको छ ।
चौकुने गाउँपालिका–४ भुडेभाबारका कुलु कर्णाली सामुदायिक बनका अध्यक्ष गंगाराम बिसीको घरमा मृत भेटिएका हुन् । शनिबार अध्यक्षको घरमा बास बस्न गएका आचार्यले मदिरा सेवन गरेर सुतेका थिए । बिहान हेर्दा उनी मृत देखेपछि बिसीले प्रहरीलाई खबर गरेका थिए ।
