काठमाडौं, १३ मंसिर । समृद्धि फाइनान्सको विजनेस डेभलपमेन्ट वर्कशप सम्पन्न भएको छ । मंसिर ११ गते कम्पनीको वर्कसप सम्पन्न भएको हो । वर्कशपमा बजारमा देखिएको तरलताको अभावलाई मध्यनजर गरी व्यापारको विकास र विस्तार गर्न अवलम्बन गरिने आगामी रणनीतिहरुको बारेमा छलफल गरिएको थियो ।
उक्त कार्यक्रममा संस्थाको उच्च व्यवस्थापन, सबै शाखाका शाखा प्रबन्धक र अन्य कर्मचारीहरुको उपस्थिति रहेको थियो । सो कार्यक्रम एयरपोर्ट होटेल, काठमाण्डौमा आयोजना गरिएको थियो । कार्यक्रममा व्यापार प्रवद्र्धनका लागी थप रणनीतिक योजना, कार्यक्रम, प्रोडक्क लगायतका विषयमा छलफल गरिएको थियो ।
समृद्धि फाइनान्सले बचत खातामा उच्चतम् व्याजदरमा निक्षेप संकलन गरिरहेको छ । सामान्य बचत खातामा ७.५ प्रतिशत व्याज प्रदान गरेको छ । जुन सामान्य बचत खातामा बैंक तथा वित्त कम्पनीमा उच्चतम व्याजदर हो ।
नेपाल राष्ट्र बैंकबाट “ग” वर्गको इजाजतपत्र प्राप्त राष्ट्रिय स्तरको समृद्धि फाइनान्स कम्पनी लिमिटेडले हाल पाँच वटा शाखाहरु मार्फत कारोबार गर्दै आएको छ भने आइपीएस, कनेक्ट आइपीएस, रेमिटान्स, क्लियरिङ्ग लगायतका बैंकिङ्ग र मोवाइल बैंकिङ्ग, डेबीट कार्ड, क्यूआर कोड जस्ता डिजिटल सुविधाहरु प्रदान गरिरहेको छ।
