काठमाडौं, १५ मंसिर । नेपाली काँग्रेस धनकुटा जिल्ला सभापतिमा दिनेश राई निर्वाचित भएका छन् । उनी सभापति शेरबहादुर देउवा र सहमहामन्त्री सुनिलबहादुर थापाको संयुक्त प्यानलबाट उम्मेदवार बनेका थिए ।
धनकुटामा जिल्ला सभापतिसहित २५ जनामध्ये २० जना महाधिवेशन प्रतिनिधि देउवा थापा प्यानलबाट चुनिएका छन् । ५ जना देउवाइतर समूहबाट चुनिएका छन् ।
धनकुटाको अधिवेशनमा सहमहामन्त्री सुनिलबहादुर थापा र उनका छोरा सिद्धार्थ थापा सक्रिय भएका थिए । थापा धनकुटाको राजनीतिमा प्रभावशाली छन् ।
