काठमाडौं, १८ मंसिर । सहिद स्मारक ‘ए’ डिभिजन लिग अन्तरगत आजको पहिलो खेल बराबरीमा रोकिएको छ ।
त्रिपुरेश्वरस्थित दशरथ रंगशालामा भएको रोमान्चक खेलमा संकटा क्लब मनाङ मस्र्याङ्दीसँग अंक बाड्न बाध्य भएको हो ।
खेल २–२ को बराबरीमा रोकीएको हो ।
खेलको ३१ औं मिनेटमा निरज बस्नेतले गोल गर्दै संकटालाई सुरुआती अग्रता दिलाए ।
तर, ३५ औं मिनेटमा मनाङका दयानन्दले गोल गर्दै टोलीलाई १–१ गोलको बराबरीमा फर्काए ।
खेलको ७० औं मिनेटमा उत्तम राईले गोल गर्दै संकटालाई २–१ को अग्रता दिलाए ।
तर, खेलको इन्जुरी समयमा फ्रान्कलिनले गोल गर्दै मनाङलाई २–२ गोलको बराबरीमा ल्याउदै टोलीलाई हारबाट जोगाएका थिए ।