काठमाडौं, २७ मंसिर । नेपालमा एकमात्र डलर अर्वपती तथा नेपाली कांग्रेसका प्रभावशाली नेता विनोद चौधरीले अब आफू सक्रिय राजनीतिमा होमिएको स्पष्ट पारेका छन् । हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् ।
उनले आफ्नो बाँकी समय अब राजनीतिमा व्यतित गर्ने घोषणा गरेका हुन् । उनले आफूले जीवनमा सधैं ठूलो स्केलको सपना देखेको र त्यो पूरा भएको पनि सुनाए । उनले अब आफ्नो सपना भनेको नेपालको सपना भएको भन्दै अर्थतन्त्रकेन्द्रित राजनीति अघि बढाउने योजना सुनाए ।
