काठमाडौं, ३ पुस । इटालियन सिरी ए फुटबलमा इन्टर मिलानले सालेरनिटानामाथी फराकिलो जित निकालेको छ ।
शुक्रबार राति भएको खेलमा इन्टरले सालेरनिटानालाई ५–० गोल अन्तरले हराएको हो ।
इभान पेरिसिचले ११औं मिनेटमा गोल गर्दै इन्टरलाई सुरुवाति अग्रता दिलाएका थिए ।
३३औं मिनेटमा डेन्जेल डुमफ्रिएसले गोल गर्दै टिमको अग्रता दोब्बर बनाए ।
खेलको ५१औं मिनेटमा एलेक्सिस सान्चेजले गोल गर्दै टिमको अग्रता तेब्बर बनाए ।
खेलको ७७औं मिनेटमा लाउटरो मार्टिनेजले गोल गर्दा इन्टरको अग्रता ४–० को बन्यो ।
साथै, खेलको ८७औं मिनेटमा रोबर्टोले गोल गर्दा इन्टरलाई ५–० को जित दिलाए ।
यस जितसँगै इन्टर १८ खेलमा ४३ अंक जोडेको छ इन्टरले शीर्ष स्थानमा ४ अंकको अग्रता बनाएको छ ।
सालेरनिटाना ८ अंक जोडेर पुछारमा रहेको छ ।
प्रतिक्रिया