विश्वकै कडा सुरक्षा बल तैनाथ गरिएको सिमाना पार गर्दै पहिचान नखुलेको एक दक्षिण कोरियाली नागरिक उत्तर कोरिया भागेको आइतबार दक्षिण कोरियाका सेनाले जनाएको छ ।
उनले शनिबार रातिको ९ बजे दुई कोरियालाई छुट्याउने डीएमजी जोन प्रवेश गरि उत्तर कोरिया भागेको जनाइएको छ । यसमा ती व्यक्ति ज्युँदै पुगे या उनको अवस्था केकस्तो छ भन्ने चाहिँ स्पष्ट पारिएको छैन । तरपनि सैन्य हटलाइनमार्फत उनको सुरक्षाका लागि नोटिस पठाइएको छ ।
सिमाना पार गर्नु दक्षिण कोरियामा अवैध मानिन्छ । उता उत्तर कोरियामा पनि कोरोना भाइरसका कारण सिमानामा अत्यन्तै कडाइ अपनाइएको छ । यसअघि एक दक्षिण कोरियाली मछुवारा उत्तरतर्फको सिमानामा बेपत्ता भएका थिए जसलाई पछि उत्तर कोरिायली सेनाहरुले गोली हानेर मारेको खुलासा भएको थियो ।
उत्तर कोरियाले यसका लागि भाइरस विरद्धको नियमलाई जिम्मेवार ठहर्याउँदै माफी मागेको थियो । दुई महिना अगाडि उत्तर कोरियाली प्रमुख किम जोङ उनले राष्ट्रिय आपतकाल घोषणा गरि सिमाना पूर्ण रुपमा बन्द रहने बताएका थिए । यसरी उत्तर कोरियामा जारी लकडाउनकै कारण त्यहाँबाट दक्षिण कोरिया भाग्ने दर अहिलेसम्मकै कम बिन्दुमा झरेको छ ।-Photo: Agency
