काठमाडौं, २५ पुस । एफए कप फुटबलमा चेल्सीले चेस्टरफिल्डमाथि सहज जित निकालेको छ ।
शनिबार राति भएको खेलमा चेल्सीले चेस्टरफिल्डलाई ५–१ गोल अन्तरले हराएको हो ।
चेल्सीको घरेलु मैदानमा भएको खेलमा छैटौं मिनेटमा टिमो वेर्नेरको गोल गर्दै टोलीलाई सुरुआती अग्रता दिलाएका थिए ।
खेलको १८औं मिनेटमा कलुम हुडसनले गोल गर्दै चेल्सीको अग्रता दोब्बर बनाए ।
त्यसको दुई मिनेटपछि रोमेलु लुकाकुले गोल गर्दै टिमको अग्रता तेब्बर बनाएका थिए ।
साथै, ३९औं मिनेटमा आन्द्रेअस क्रिस्टेनसनले गोल गर्दै चेल्सीको अग्रता ४–० को बनाए ।
खेलको ५५औं मिनेटमा हाकिम जीएचले पेनाल्टीलाई सदुपयोग गर्दै खेललाई ५–० को अवस्थामा पुर्याएका थिए ।
खेलको ८०औं मिनेटमा चेस्टरफिल्डका अकव्सी एसन्टेले गोल गर्दै खेललाई ५–१ को स्थितिमा पुर्याएका थिए ।
यस जितसँगै चेल्सी चौथो चरणमा प्रवेश गरेको छ ।
