काठमाडौँ, २७ पुस। पृथ्वीनारायण शाहको जन्मजयन्ती आज देशभर धुमधामका साथ् मनाइँदै छ। ३०० औं पृथ्वी जयन्तीको अवसरमा आज देशभरि विभिन्न कार्यक्रमहरु भैरहेको छ । जन्मजयन्ती अवसरमा आज पहिलो पटक पूर्वराजा ज्ञानेन्द्र शाह सिंहदरबारको मुख्य गेटबाहिर रहेको पृथ्वीनारायण शाहको सालिकमा माल्यार्पण गर्न पुगेका थिए । यो घटना नेपालको इतिहासमा पहिलो पटक घटेको हो।
पृथ्वीनारायणको सालिकमा माल्यार्पण गर्न उनी पहिलोपटक सिंहदरबार गएका थिए । शाहका संवाद सचिव फणिराज पाठकले यो वर्ष पृथ्वीनारायणको ३०० औं जन्मजयन्ती भएकाले पूर्वराजा ज्ञानेन्द्र सालिकमा माल्यार्पण गर्न सिंहदरबार गएको बताएका थिए । यसअघि राष्ट्रपति विद्यादेवी भण्डारीले पनि माल्यार्पण गरिसकेकी छिन् । विभिन्न राजनीतिक दलका नेता तथा मन्त्रीसहित सरकार कर्मचारी पनि माल्यार्पण कार्यक्रममा सहभागी भएका छन् ।-तस्विर : मुकुन्द कालिकोटे, रिपोर्टर्स नेपाल डटकम
