एजेन्सी, ११ माघ। उत्तर कोरियाले दुईवटा क्रुज मिसाइल परीक्षण गरेको दक्षिण कोरियाले दाबी गरेको छ। उत्तर कोरियाले दुईवटा क्रुज मिसाइल परीक्षण गरेको दक्षिण कोरियाका एक अधिकारीले मंगलबार बताएका हुन् । सन् २०२२ मा प्योङयाङले गरेको यो पाँचौं चरणको क्षेप्यास्त्र परीक्षण हो ।
ती अधिकारीले दक्षिण कोरियाका समाचार संस्था योन्हापलाई भनेको विषयलाई उदृत गर्दै संचार माध्यमहरुले लेखेका छन्,’हामीले परीक्षणको विस्तृत विश्लेषण गर्नुपर्नेछ।’
उत्तरले दुईवटा ट्याक्टिकल गाइडेड क्षेप्यास्त्रहरू जनवरी १७ मा प्रहार गरेको थियो । रेलबाट दुई मिसाइल परीक्षण गरेको जम्मा तीन दिनपछि उसले यो क्षेप्यास्त्र परीक्षण गरेको हो । जनवरी ५ र ११ मा उत्तरले हाइपरसोनिक क्षेप्यास्त्रहरू पनि प्रहार गरेको दाबी गरेको थियो । तर, यसको आधिकारिकता पुष्टि भएको छैन ।-Photo: Agency
