काठमाडौं, १३ माघ । नेपाली कांग्रेसका केन्द्रीय सदस्य तथा पूर्वमन्त्री उदयशमशेर जबराले नेपाल भारत सम्बन्ध आजको दिनमा राम्रो रहेको बताएका छन् । उनले सम्बन्धमा उतारचढाव भएपनि अहिले दुई देशबीच सुमधुर सम्बन्ध रहेको सुनाए ।
हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले यसअघि नेपाल र भारतबीचको सम्बन्ध अलिक उत्ताउलो खालको भएपनि नेपाली कांग्रेसको नेतृत्वमा सरकार गठन भएपछि भने राम्रो रहेको प्रतिक्रिया दिए । उनले अहिले द्धिपक्षीय सम्बन्धमा स्थिरता आएको सुनाए । उनले अहिलेको नेपाल भारत सम्बन्धमा चिसोपना नरहेको स्पष्ट पारे ।
