काठमाडौं, २ फागुन । कामु प्रधानन्यायाधीश दीपककुमार कार्कीले आज सोमबार बोलाएको फुलकोट बैठक बस्दैछ ।
आइतबार प्रधानन्यायाधीश चोलेन्द्र शमशेर जबराविरुद्ध महाभियोगको प्रस्ताव दर्ता भई निलम्बनमा परेपछि कायममुकायमको जिम्मेवारी पाएका कार्कीले सर्वोच्च अदालत सञ्चालनका सम्बन्धमा छलफल गर्न ११ बजे पुर्ण बैठक बोलाएका हुन् ।
आजको बैठकमा अदालतका सम्बन्धमा विकसित पछिल्लो घटनाक्रम र अदालत सञ्चालन तथा न्यायपालिका सुधारका सम्बन्धमा छलफल हुने बुझिएको छ ।
न्यायपालिका सुधारका लागि भन्दै न्यायाधीश हरिकृष्ण कार्कीको प्रतिवेदन पूर्णतः कार्यान्वयन गर्ने र सर्वोच्च अदालतकै न्यायाधीश तथा नेपाल बार एसोसिएसनले उठाएको मागको सम्बन्धमा पनि छलफल हुने जनाइएको छ ।
