काठमाडौं, ५ वैशाख । उपत्यकामा फोहोर नउठेर सडक दुर्गन्धित भएको छ । फोहोर नियमित नउठ्दा थुप्रिएको छ । सडकभर लामो समययता फोहोर थुप्रिदा कुहिएर गन्हाउन थालेको छ ।
उपत्यकाका नदी पनि प्रदूषित भएका छन् । नदी किनार गन्हाउन थालेको छ । कोरिडोरहरुमा हिंड्न नहुने भएको छ ।
बागमती र सहायक नदीहरुमा अत्याधिक प्रदूषित गरिएका छन् । नदी र खोलाहरुमा ढल मिसाइएका छन् । उपत्यकामा गोदावरी खोलाबाहेक सबै खोलामा सिधै ढल मिसाइएको छ ।
उपत्यकामा फोहोर थुप्रिनुमा पासाङ ल्हामु राजमार्ग अन्तर्गत मुड्खु तीनपिप्ले सडक अवरुद्ध हुनु हो । १८ देखि २६ चैत्रसम्म सडक अवरुद्ध गरिएको थियो । २७ गतेबाट सुचारु भएपछि गाडी राम्ररी जान नसक्ने भएको छ । यसकारण फोहोर थुप्रिन थालेको हो ।
