काठमाडौं, जेठ १३ । नेपाली काँग्रेसबाट काठमाडौं महानगरपालिकाको मेयरकी प्रत्यासी सिर्जना सिंहले मेयरमा निर्वाचित बालेन्द्र साहलाई बधाई दिँदै मत जित्न नसके पनि नगरबासीको मन जितेको बताएकी छिन् ।
लोकतान्त्रिक अभ्यासको परिणामलाई हार्दिकतापुर्वक स्वीकार गर्ने र निर्वाचित मेयरलाई रचनात्मक साथ र सहयोग गर्ने प्रतिबद्धता व्यक्त गर्दै सिंहले नगरवासी सबैको मन जित्न सकेंकोमा विश्वास गरेर आफुलाई मत दिने सबैलाई धन्यवाद ज्ञापन गरेकी छन् ।
साथै, उनले महानगरका उपप्रमुख, वडाध्यक्ष र सदस्यमा निर्वाचित सबैलाई बधाई ज्ञापन गर्दै महानगरवासीहरुको भावना बमोजिम काम गर्न अनवरत उत्साहपुर्व लागिरहने बताएकी छन् ।
