काठमाडौं, २२ जेठ । भारतमा २४ घण्टामा थप ४ हजार २७० जनामा कोरोना संक्रमण देखिएको छ । केन्द्रीय स्वास्थ्य मन्त्रालयका अनुसार तीन महिनापछि गत शुक्रबार भारतमा दैनिक कोरोना सङ्क्रमण ४ हजार नाघेको हो ।
हाल कोरोनाका सक्रिय संक्रमितको संख्या २४ हजार ५२ छ । यो भारतमा हालसम्म भएका कोरोना संक्रमितको १.०३ प्रतिशत हो ।
शनिबार मध्यरातिसम्म अर्थात २४ घण्टामा दुई हजार ६१९ जना निको भएका छन् । कोरोनाबाट मुक्त हुनेहरुको संख्या ४ करोड २६ लाख २८ हजार ९३ पुगेको छ ।
