काठमाडौं, जेठ २८ । बलात्कार मुद्दामा जाहेरी दिने हदम्याद नराख्न संशोधन दर्ता भएको छ । यौन हिंसाविरुद्धका केही नेपाल ऐनलाई संशोधन गर्न बनेको विधेयकमा हदम्यादको व्यवस्था हटाउन दुई संशोधन दर्ता भएका हुन् ।
प्रमुख प्रतिपक्ष दल नेकपा(एमाले) र सत्तारूढदल नेपाली कांग्रेसका तर्फबाट संशोधन दर्ता भएको हो । सत्ता घटक नेकपा(माओवादी केन्द्र)ले भने पाँच वर्ष हदम्यादको पक्षमा संशोधन दर्ता गरेको छ । अहिलेपनि हाडनाता करणी कसुरमा भने हदम्यादको व्यवस्था छैन ।
संशोधन दर्ताकालागि तोकिएको समय बिहीबार सकिएको छ । प्रतिनिधि सभा सचिवालयमा तोकिएको अवधिमा छ वटा संशो धन दर्ता भएका छन् । जसमध्ये एमाले सांसद बिन्दा पाण्डे सहितका आठ सांसदले बलात्कार मुद्दाको मौजुदा हदम्यादको व्यवस्था पूर्णरूपमा हटाउन संशोधन दर्ता गरेका छन् ।
मुलुकी फौजदारी संहिताको दफा २२९को हदम्याद यवस्था सबै बलात्कार मुद्दामा नराख्न संशोधन दर्ता गरिएको हो । अहिले हाडनाता करणीको हकमा हदम्याद राखिएको छैन । गोरखापत्र दैनिकबाट
