एजेन्सी, ३ असार । लखनउमा भएको पब्जी हत्याकाण्डमा चकित पार्ने खुलासा भएको छ । आमा साधना सिंहको हत्याको पछाडि पब्जी गेम थिएन । वास्तविकता अर्कै भएको खुलाशा भएको छ ।
वास्तवमा हेर्दै डर लाग्दो ठूलो बिल्डरको घरको आवतजावतले छोरालाई दिक्क लाग्यो। उनले आसनसोलमा तैनाथ आफ्ना सैनिक बुवालाई पनि बडी विल्डरसँग आमाको सामिप्यताकोबारेमा बताए।
बुबाले भने, ’म त्यहाँ भएको भए बिल्डर र तिम्री आमा दुवैलाई गोली हान्थें । अब जे बुझेउ त्यही गर ।’ बाबुको यस्तो इशारापछि छोराले आमाको हत्याको योजना बुन्न थालेको भारतीय समाचार एजेन्सी दैनिक भाष्करले जनाएको छ ।
समाचार एजेन्सीकोे अनुसार छोराले योजना बनाइरहँदा विल्डरले उनको घर जाने क्रम जारी राखे। असार ४ गते राति १६ वर्षीय छोराले आमालाई गोली हानेका थिए ।
साधनाको हत्यापछि बडी बिल्ड आवेगमा नआओस् भनेर प्रहरीले पब्जीको थ्योरी बनाएको हो । तर, बाल सुधार गृहमा आरोपित छोरालाई भेटेर फर्केका परिवारका एक सदस्यले दैनिक भास्करका अगाडि सबै कुरा खोले ।
जुन कोठामा साधनाको शव फेला परेको थियो, सोही कोठामा छोराले आमालाई गोली हानेका थिए । यो हत्याकाण्डको योजना एक वर्षअघि नै तयार भएको थियो । जब अभियुक्त छोरा बनारसमा मामाको घरबाट लखनउ फर्किए, उनले आमा साधनाको मोबाइलमा केही कल रेकर्डिङ सुने। यसमा उनकी आमा एक व्यक्तिसँग कुरा गरिरहेकी थिइन् । बाबुको बाहिर पोस्टिङका कारण आमा अर्कै व्यक्तिसँग नजिक भएको छोराले बुझे ।
छोरालाई यो सहन अलि गाह्रो भयो । उनले आसनसोलमा रहेका बुबा नवीनलाई फोन गरेर यी कुरा सुनाए। प्रमाणका रूपमा उनलाई रेकर्डिङ पनि पठाएका थिए । यो त्यो घटना थियो- जहाँबाट बाबु र आमाबीच झगडा सुरु भयो । आमा साधनाले बुवा नवीनले सोधेका प्रश्नको जवाफ दिन सकिनन् ।
साधनाले आफ्नो व्यक्तिगत जीवनमा छोराको हस्तक्षेप र श्रीमानबाट टाढा भएका कारण सहन सकिनन् । छोरालाई घरमा नोकर बनाएर राख्न थालिन् । झाडूलगाउनेदेखि, लुगा सफा गर्नेसम्मको भार छोरालाई नै दिइन् । बुवा नवीनको पोस्टिङ धेरै टाढा आसनसोलमा भएकोले छोराले सबै कुरा सहिरहे । आमाको यी कार्यले छोराको मनमा घृणा भरियो। छोराले यो सबै कुरा बुबालाई फोनमा बताइरहेको एजेन्सीले उल्लेख गरेको छ ।
घटनाको वास्तविकता जान्नका लागि नवीनले केही महिनाअघि छोरा र छोरीलाई आफन्तको घरमा पठाएका थिए । साधनालाई थाहा थिएन कि यो परीक्षा उनको लागि भइरहेको छ । केटाकेटीहरू गएपछि, उनले विल्र्डरलाई त्यही साँझ खानाको लागि निम्तो दिइन् । बडी बिल्ड राती साधनासँगै बसे । छोरा र श्रीमान दुवैको नजर उनीमाथि थियो भन्ने कुराबाट साधना बेखबर थिइन् । यो घटनापछि साधना र नवीनको सम्बन्धमा पर्खाल खडा भयो । छोराको मनमा घृणा झनै बढ्यो ।
विल्डरलाई जन्मदिनको उपहार दिएपछि हत्याको योजना सुरु भएको थियो । बाबु र छोराबीच साधनालाई लिएर योजना चलिरहेको थियो । यसैबीच, अक्टोबरमा छोराको जन्मदिन आयो । उक्तदिन बडी बिल्ड ठूलो उपहार लिएर घर आए। यो अर्को अवसर थियो जब नवीन र उनको छोराको शंका पुष्टि भयो। त्यो रात नवीनको साधनासँग फोनमा झगडा भयो । बाबु छोराको मनमा षड्यन्त्र सुरु भएको यो घटना हो । जसअन्तर्गत साधनाको हत्या भएको थियो ।
भेट्न आएका आफन्तले छोरालाई सोधे, ’पेस्तोल चलाउन कसरी सिक्यौं ?’ उनले जवाफ दिए, ‘पापाको पोस्टिङ केही वर्षअघि राजस्थानमा भएको थियो । त्यतिबेला सबैजना त्यही बसियो । हाम्रो क्वार्टर नजिकै फायरिङ रेन्ज थियो। हरेक दिन रिहर्सल हुन्थ्यो । सिपाहीहरूले गोली चलाएको देख्थेँ। लखनउ आउँदा बुबाले मलाई पिस्तौल चलाउन सिकाउनुभयो ।’
कुराअगाडी बढाउँदै छोराले भने, ‘असार ३ गते मलाई आमाले धेरै कुट्नु भएको थियो । मैले बुबालाई फोन गरेर भनेँ । त्यो दिन आमा बाच्नु हुन्न भन्ने लाग्यो । मैले यी सबै कुरा बुबालाई भनेँ । केही नगर्न आग्रह गरेँ । म जेठ ४ गते साँझसम्म उहाँको पर्खाइमा थिएँ । साँझ बाबाको फोन आयो । उहाँले रेलको टिकट नपाएको बताउनुभयो । त्यो रात मैले मेरी आमाको टाउकोमा गोली हाँने।’
