काठमाडौं, ३० असार । चितुवाले राजधानी बाहिर मात्र नभएर देशको काठमाडौंमा पनि आतंक मच्चाउन सुरु गरेको छ ।
नागार्जुनमा चितुवाले आक्रमण गर्दा पाँच जना घाइते भएको प्रहरीले जनाएको छ । नागार्जुन नगरपालिका–८ भीमढुंगा दर्शन खोलामा चितुवाको आक्रमणबाट एकै घरका चारजनासहित ५ जना घाइते भएका हुुन् ।
घाइते हुनेमा एकै परिवारका राम भट्टराई, सानीमैया भट्टराई, कुमार भट्टराई, सरस्वती भट्टराई र उनीहरुका छिमेकी सुविन भट्टराई छन् ।
लोकल कुखुरा पालेको छाप्रोमा चितुवा पसेपछि धपाउन जाँदा उनीहरुमाथि चितुवाले आक्रमण गरेको बुझिएको छ ।
घाइते ५ जनालाई उपचारको लागि राति नै मनमोहन अस्पताल पुर्याइएको थियो । उनीहरुमध्ये २ ३ जनाको उपचार भइरहेको छ भने २ जना डिस्चार्ज भइसकेका छन् ।
