काठमाडौं, ११ साउन । यस वर्षको माध्यमिक शिक्षा परीक्षा (एसईई)को नतिजा आज हुने भएको छ । आज दिउँसो ३ बजे नतिजा प्रकाशन गर्न बोर्डले बैठक बोलाएको छ ।
परीक्षा गत बैशाख ९ गतेदेखि २० गतेसम्म सञ्चालन गरिएको थियो । एसईईको नतिजा ग्रेड अनुसार नै सार्वजनिक हुने भएको छ । ९० वा सो भन्दा बढी ल्याउनेलाई ए प्लस, ८० वा सो भन्दा बढी ल्याउनेलाई ए, ७० वा सो भन्दा बढी ल्याउनेलाई बी प्लस तथा ६० वा सो भन्दा बढी ल्याउनेलाई बि ग्रेड दिइने छ ।
२७ सय परीक्षा केन्द्रबाट ११ हजार ६१५ विद्यालयका ५ लाख १४ हजार ९७७ परीक्षार्थी सहभागी भएका थिए ।
