Logo

मैले तिम्रो सत्ता टिकाउन के गर्नु पर्यो भन !



प्रकाश रायमाझी

रगत पसिना चुहाएर पनि देश सुम्पेकै छु

अनगिन्ती सपनाहरुलाई कुल्चेर पनि हाँसेकै छु
विसंगति र विकृतिको माला लगाए पनि तारिफ गरेकै छु ।

अस्पतालहरुमा लासले भरिएको भएपनि भाषण सुनेकै छु
विदेशीहरूको गुलाम भएपनि देशभक्तपनि भनि दिएकै छु ।
स्वाधीनतालाई बन्दगी राखेपनि ताली बजाए कै छु
गाउँ–सहर बस्तीहरुमा लठैतहरु लगाएर जयजयकार गरेकै छु ।

आसेपासेलाई सर्वत्र लुटाय कै छु, नेताको पगरी गुथेको छु
राज्यलाई ब्रह्मलुट गरेर आफू रमाएको छु, समाचार बनेकै छु ।
गरिब दुखी निशायहरूको नेता भनेर महलमा बसेकै छु
आफ्ना परिवार र इष्टमित्रहरु राज्य दौहनमा भर्ती गरेकै छु ।

अछम्य अपराधहरुलाई गहना जस्तै सजाएर राखेको छु
सर्वहाराको नारा लगाएकै छु मोजमस्तीमा रमाएर बसेकै छु ।
कसले गर्छ मेरो विरोध एक हुल मान्छे जम्मा पारी सडकमा आएकै छु ।।।



प्रतिक्रिया दिनुहोस्