काठमाडौं, ११ असोज । प्रमुख सत्तारुढ दल नेपाली कांग्रेसका नेता डा.शेखर कोइराला समुहले बाहिर ल्याएको विषयमा आज पत्रकार सम्मेलनको आयोजना गरिएको छ ।
कांग्रेस संस्थापन पक्षले केन्द्रीय पार्टी कार्यालय सानेपामा दिउँसो ३ बजे पत्रकार सम्मेलनको आयोजना गरेको हो ।
कोइराला समुहले समानुपातिक तर्फका उम्मेदवार छनोटमा संस्थापन पक्षले एकलौटी गरेको आरोप लगाउँदै विरोधका कार्यक्रम सार्वजनिक गरेको छ । कोइराला पक्षले भोलि १२ गते पार्टी कार्यालयमा धर्ना दिने कार्यक्रम राखेको छ ।
तर, संस्थापन पक्षले भने पार्टीभित्र सर्वसम्मत भएको निर्णयबारे सडकमा भ्रम छर्ने काम कोइराला पक्षले गरेको बताइरहेको छ ।
