काठमाडौं, ९ मंसिर । राष्ट्रिय परीक्षा बोर्डले माध्यमिक शिक्षा परीक्षा (एसईई) को आवेदन खुल्ला गरेको छ । बोर्डले कक्षा १० को २०७९ सालको एसईईको आवेदन फारम खुल्ला गरेको हो ।
शैक्षिक सत्र २०७९ मा कक्षा १० नियमित रुपमा अध्ययन गरिरहेका विद्यार्थीहरुले पुषको १० गतेभित्र फारम भरिसक्नु पर्ने बोर्डले जनाएको छ ।
साथै बोर्डले सबै शिक्षा विकास निर्देशानालय, राष्ट्रिय परीक्षा बोर्ड प्रदेश तथा शाखा कार्यालय, शिक्षा विकास तथा समन्वय एकाई लगायतलाई समयमै आवदेन फारम भर्न भराउन समन्वय गर्नको लागि निर्देशन दिएको छ।
