काठमाडौं, १० मंसिर । भारतीय राजदूत नवीन श्रीवास्तवले प्रधानमन्त्री शेरबहादुर देउवासँग भेटवार्ता गरेका छन् ।
उनले आज साँझ प्रधानमन्त्रीको सरकारी निवास बालुवाटार पुगेर भेटवार्ता गरेका हुन् ।
उक्त भेटबारे राजदूत श्रीवास्तवले प्रधानमन्त्री देउवालाई निर्वाचन जितेकोमा बधाई दिएका थिए ।
साथै, उनले निर्वाचनपछि बन्ने सरकारको विषयमा पनि चासो राखेका थिए ।
आज विहानमात्रै नेकपा (माओवादी केन्द्र) का अध्यक्ष पुष्पकमल दाहालले पनि प्रधानमन्त्री देउवासँग भेटवार्ता गरेका थिए ।
उक्त भेटमा दुई नेताबीच सरकार गठनको विषयमा छलफल भएको जनाईएको छ ।
दाहालले त निर्वाचनको सबै परिणाम सार्वजनिक भएपछि गम्भीर समिक्षा गर्ने र गठबन्धनकै नेतृत्वमा सरकार गठन गर्ने खुलासा गरेका छन् ।