काठमाडौं,मंसिर १६ । कतारमा जारी फिफा विश्वकप फुटबलमा समूह चरणका खेलहरु आज शुक्रबारबाट सकिंदै छन् ।
शुक्रबार समूह ‘जी’ र ‘एच’ का दुई/दुई खेलहरु हुनेछन् । यी खेलहरू पछि प्रतियोगिताबाट नकआउट चरणमा पुग्ने सबै टोलीको टुंगो पनि लाग्नेछन् ।
शुक्रबार राति पौने ९ बजे सुरु हुने खेलहरुमा समूह ‘एच’ का घाना र उरुग्वे तथा दक्षिण कोरिया र पोर्चुगल भिड्नेछन् । यो समूहमा दुई खेलबाट ६ अंक जोडेको पोर्चुगल नकआउट चरणमा पुगिसकेको छ । घानाको ३ अंक छ भने दक्षिण कोरिया र उरुग्वेको १/१ अंक छ ।
शुक्रबार राति पौने १ बजे हुने खेलहरुमा समूह ‘जी’ का क्यामरुन र ब्राजिल तथा सर्बिया र स्विटजरल्याण्ड भिड्नेछन् । दुई खेलबाट ६ अंक जोडेको ब्राजिल नकआउट चरणमा पुगिसकेको छ । स्विट्जरल्याण्डको ३ अंक छ भने क्यामरुन र सर्बियाको १/१ अंक छ ।
