काठमाडौं, माघ २० । गैर आवासीय नेपाली संघ (एनआरएनए) मलेसियाका उपाध्यक्ष, समाजसेवी एबं ब्यावसायी राकेश प्रसाद महतो मलेसियामा आयोजित चौथो ईन्टरनेशनल सोसल अर्वाडद्वारा सम्मानित भएका छन ।
बिगत २३ बर्षदेखी मलेसियामा बसोबास गर्दै आएका महतो साधारण कामदारका रुपमा मलेसिया प्रवेश गरि हाल सफल ब्यावसायी बन्न सफल भएका छन ।
क्रियटिभ मिडिया एण्ड ईभेन्ट म्यानेजमेन्ट प्रा.लीको आयोजनामा मलेसियाको क्वालालम्पुरस्थित ग्राण्ड कंटिनेन्टल होटेलमा आयोजना गरिएको चौथो इन्टरनेशनल सोसियल अर्वाड कार्यक्रममा महतोलाई मलेसियाका लागी नेपाली राजदुत डिल्ली राज पौडेलको हातबाट इन्टरनेशनल सोसल अर्वाड र सम्मानपत्र बितरण गरिएको हो ।
उक्त कार्यक्रममा मलेसियामा रहेका धेरै संघ सँस्थाको प्रतिनीधित्व रहेको थियो भने नेपाल,युएई,कम्बोडियालगाएतका देशबाट समेत अतिथीहरुको उपस्थिति रहेको थियो ।
बाराको महागढीमाई नगरपालिका वडा नं १ बरियारपुरमा जन्मिएका राकेश महतो एक सामान्य परिवारमा हुर्किएका ब्यक्ति हुन।
बिगत केही बर्षदेखी महतो मलेसियामा बैदेशिक रोजगारीको सिलसिलामा समस्या परेका नेपाली श्रमिकहरुको हक र अधिकार सुनिश्चितताको लागि निरन्तर सक्रिय रहदै आएका छन ।
महतोले मलेसियामा अलपत्र परेका नेपाली हरुको नेपालसम्मको हवाई टिकट उपलब्ध गराइ उद्धार गर्दै आउने गरेका पनि छन । महतोले हाल मलेसिया र नेपालमा ठुलो ब्यापार ब्यावसाय सन्चालन गर्दै आईरहेका छन ।
सामाजिक क्षेत्रमा योगदान पुर्याउने र समस्या परेका नेपाली हरुलाई सकेको सेवा गर्ने उदेश्यले आफ्नै उनले महागढीमाई नगरपालिकामा एक महागढीमाई नामक फाउण्डेशन पनि दर्ता गराएका छन । सो फाउण्डेशनको संरक्षक आफै रहेर महतोले बिगत धेरै बर्षदेखी सामाजिक क्षेत्रमा योगदान पुर्याइरहेका छन ।
मलेसियामा महतोले आर.के मेन्तरी एसडिएन बिएचडी,आर.के जनरल स्टोर,एजेन्सी पाकिर्जन,आर.के ग्रुप, आर.के पेलोन्तोङ् स्टोर लगायत विभिन्न कम्पनी र व्यवसाय सन्चालन गर्दै आएका छन भने नेपालमा कृषी क्षेत्र,माछापालन,बैंकिंग क्षेत्रलगाएतमा ठुलो लगानी गरेका छन ।
सामाजिक क्षेत्रहरुमा महतोले गरेको योगदानको उच्च मूल्यांकन गदै महतोलाई यो सम्मान बितरण गरिएको आयोजक सँस्थाले बताएको छ । उक्त सम्मान पाएपछी खुशी हुदै महतोले आफुले निस्वार्थ रुपमा गरेको सामाजिक कार्यको मूल्यांकन गरेकोमा आयोजकलाई धन्यवाद ब्यक्त गर्दै यो अवार्डपछि अझै थप कार्य गर्ने उत्साह थपिएको बताए ।
उक्त कार्यक्रममा चर्चित कलाकारहरू आनन्द कार्की, प्रीति आले, खेम सेन्चुरि, जेनिस उप्रेती, अञ्जली अधिकारी, प्रीति पासवान,रमेश दुलाल’कागे’,भ्वाइस अफ किड्सको बिजेता जेनिस उप्रेतीलगाएतका कलाकारहरुको भव्य प्रस्तुतिका साथ मनोरन्जनात्मक कार्यक्रम पनि रहेको थियो ।
