काठमाडौं, फागुन ४ । मन्त्रिपरिषद् तथा प्रधानमन्त्रीको कार्यालय, संघीय मामिला, गृह लगायत मन्त्रालयका दुई दर्जनभन्दा बढी सहसचिव जिम्मेवारी नपाएर कामविहीन भएका छन्। अहिले उनीहरूको काम मन्त्रालय जाने, हाजिर गर्ने, बरन्डामा बसेर घाम ताप्नेमा सीमित छ।
काठमाडौं उपत्यका बाहिरका धेरैजसो कार्यालयमा माथिल्लो तहका कर्मचारी नहुँदा तोेकिएको दरबन्दीभन्दा मुनिका कर्मचारीलाई कायममुकायम दिइएको छ। सहसचिवको दरबन्दी भएका जिल्लामा समेत उपसचिवलाई प्रमुख जिल्ला अधिकारी बनाएर पठाइएको छ।
गृह मन्त्रालय स्रोतका अनुसार अहिले मन्त्रालयमा आठजना सहसचिवले जिम्मेवारी पाएका छैनन्। उनीहरूलाई बस्ने कोठा समेत दिइएको छैन। बस्ने ठाउँ नहुँदा उनीहरू बरन्डामा घाम तापेर बस्न बाध्य छन्। नागरिक दैनिकबाट
