काठमाडौं १३ चैत । गायक तथा मोडल दुर्गेस थापाविरुद्ध प्रहरिमा उजुरी परेको छ । थापासहित तीनजना विरुद्ध मदिरा सेवन गरी कुटपिट गरेको भन्दै टिकटकर रिदम क्षेत्रीले प्रहरीमा उजुरी दिएका हुन ।
काठमाडौंको भएको वनभोज कार्यक्रममा जाँदा कुटपीट र गालिगलोज गरेको भन्दै क्षेत्रीले महाराजगञ्ज प्रहरी वृत्तमा उजुरी दिएको डीएसपी अंगुर जीसीले पुष्टि गरे । त्यस क्रममा आफूले लगाइरहेको सुनको सिक्रीसमेत लुछेको क्षेत्रीले आरोप लगाएका छन् ।
दुवै पक्षलाई छलफलका लागि मंगलबार कार्यालयमा बोलाइएको उनले जानकारी दिए । ‘उजुरी परेको हो, सत्यतथ्य के हो भोलि दुवै पक्ष उपस्थित भएपछि थाहा होला,’ जीसीले भने ।
