बाढीले बगाएर ल्याएको लेदोमा चार वटा गाडी पुरिए

काभ्रे, जेठ १ । आइतबारको वर्षापछि आएको बाढीले बीपी राजमार्गमा बगाएर ल्याएको लेदोमा चार वटा गाडि पुरिएका छन् । बीपी राजमार्ग अन्तर्गत रोशी गाउँपालिकाको कालढुंगा र चिउरीबासीमा लेदोसहितको बाढीमा गाडीहरु पुरिएका हुन् ।

लेदोले पुरेका चार वटा गाडी अहिले निकाल्ने प्रयास भइरहेको प्रहरीले जनाएको छ । इलाका प्रहरी कार्यालय मंगलटारका अनुसार बाढीले बगाएर ल्याएको लेदोले रोशी गाउँपालिका–९ का क्षेत्र बहादुर तामाङको घर पुरिएको छ। बाढीले बगाएर ल्याएको लेदोले अबरुद्ध भएको राजमार्ग अहिले एकतर्फी सुचारु भएको छ।