काठमाडौं, जेठ १२ । नेपाली बजारमा आज सुनको मूल्य तोलामा पाँच सय रुपैयाँले घटेको छ । बिहिबार तोलाको १ लाख ८ हजार ८ सय रुपैयाँमा कारोबार भएको छापावाल सुनको भाउ आज प्रतितोला १ लाख ८ हजार ३ सय रुपैयाँमा कारोबार भइरहेको छ ।
आज तेजावी सुनको भाउ तोलामा ५ सय रुपैयाँले नै घटेर प्रतितोला १ लाख ७ हजार ८ सय रुपैयाँमा किनेबच भइरहेको छ । चाँदीको भाउ तोलामा ५ रुपियाँले घटेर प्रतितोला १ हजार ३ सय ४५ रुपैयाँमा कारोबार भइरहेको छ।
नेपाल सुनचाँदी व्यवसायी महासंघले आज प्रति १० ग्राम छापावाल सुनको भाउ ९२ हजार ८ सय ५० रुपैयाँ, दश ग्राम तेजावी सुनको मुल्य ९२ हजार ४ सय २० रुपैयाँ र प्रति १० ग्राम चाँदीको मुल्य १ हजार १ सय ५३ रुपैयाँ कायम गरेको छ ।
