काठमाडौं, १४ जेठ । टीकापुर घटनामा संलग्न रहेको अभियोगमा जन्मकैद भुक्तान गरिरहेको रेशम चौधरीलाई आम माफी दिने सरकारको निर्णयविरुद्ध सर्वोच्चमा निवेदन परेको छ । आज (आईतबार) बसेको मन्त्रिपरिषद्को बैठकले रेशमलाई आम माफी दिलाउनका लागि राष्ट्रपतिसमक्ष सिफारिस गरेको थियो ।
मन्त्रिपरिषद्को उक्त निर्णयविरुद्ध शारदा कडायतले सर्वोच्चमा निवेदन दिएकी हुन् । कडायत टीकापुर घटनामा मारिएका प्रहरी निरीक्षक केशव बोहराकी पत्नी हुन् ।
यद्यपी, सरकारको सिफारिसमा राष्ट्रपति रामचन्द्र पौडेलले रेशमलाई आम माफी दिने निर्णय सदर गरिसकेका छन् ।
