काठमाडौं, १ भदौ । कानुन, न्याय तथा संसदीय मामिलामन्त्री धनराज गुरुङले राज्यकोषबाट उपचार खर्च नलिने बताएका छन् ।
आज (शुक्रबार) कांग्रेस निकट निजामति कर्मचारीहरुको भेलालाई सम्बोधन गर्दै उनले गरिब जनताले निःशुल्क उपचार नपाएसम्म राज्यकोषबाट उपचार खर्च नलिने बताएका हुन् ।
मुलुक सुधारका लागि पहिला आफैं सुध्रिन आवश्यक रहेको उनको भनाई थियो । मुलुकलाई भ्रष्टाचार मुक्त बनाउने टिप्पणी उठाउनेको हातमामात्रै हत्कडी लगाएर सम्भव नरहेको उनको भनाई छ ।
भ्रष्टाचार प्रकरणमा आदेश दिने र निर्णयकर्तालाई पनि कारबाही हुनपर्ने उनको भनाई थियो । File Photo/RN
