काठमाडौं, २९ फागुन । नवनिर्वाचित राष्ट्रिय सभा अध्यक्ष नारायण दाहालले पद तथा गोपनीयताको शपथ लिएका छन् । आज (मंगलबार) दाहाललाई राष्ट्रपति रामचन्द्र पौडेलले शपथ गराएका हुन् ।
नवनिर्वाचित अध्यक्ष दाहालको शपथ ग्रहण समारोहमा उच्चपदस्थ अधिकारी र राजनीतिक नेतृत्वहरुको सहभागिता रहेको थियो ।
अध्यक्ष दाहाल आजै राष्ट्रिय सभाको अध्यक्षमा निर्वाचित भएका हुन् । दाहालको पक्षमा ३९ र विपक्षमा १७ मत रहेको थियो ।
नवनियुक्त राष्ट्रिय सभा अध्यक्ष दाहाल सरकारको सिफारिसमा राष्ट्रपतिबाट मनोनित हुन् । उनको कार्यकाल ४ वर्ष बाँकी रहेको छ । उनी नेकपा (माओवादी केन्द्र) का स्थायी कमिटी सदस्यसमेत हुन् ।
प्रतिक्रिया