काठमाडौं, ९ फागुन । एनसेलले बढ्दो मोबाइल डेटाको मागलाई सम्बोधन गर्ने उद्देश्यका साथ ‘९० अनलिमिटेड’ र ‘५० डेटा’ गरि दुई डेटा प्याकहरु सञ्चालनमा ल्याएको छ । करसहित ९० शुल्क रहेको ९० अनलिमिटेड योजनाअन्तर्गत, ग्राहकहरूले दुई दिनसम्म मोबाइल डेटाको अनलिमिटेड मोबाइल इन्टरनेटको भरपुर फाइदा लिनसक्ने कम्पनीले जनाएको छ ।
यो अफर विषेशत छोटो अवधिको लागि बिना झन्झट इन्टरनेट पहुँच खोज्ने प्रयोगकर्ताहरूका लागि उपयुक्त विकल्प भएको बताइएको छ । ग्राहकहरूले एनसेल एपमार्फत वा एष्ट्रिक्स१२३ एष्ट्रिक्स ४ एष्ट्रिक्स १ एष्ट्रिक्स ४ ह्यास डायल गरेर यो ‘९० अनलिमिटेड’ प्याक लिन सक्छन् । कामका लागि होस् वा मनोरञ्जनका लागि, फिल्म होस् वा अनलाइनमार्फत गीतसंगीतको आनन्द लिन वा सामाजिक सञ्जाल जोडिन, यो प्याकले ४८ घण्टासम्म कुनै पनि डेटा सीमा बिना निर्बाधरुपमा इन्टरनेट सेवा प्रदान गर्दछ ।
यस्तैगरी, ‘५० डेटा’ प्याक अन्तर्गत ग्राहकले १।१ जीबी मोबाइल डेटा भोल्युम कर सहित मात्र ५० मा पाउन सक्छन् । यो डेटा तीन दिनसम्म मान्य रहन्छ । सुलभ शुल्कमा लामो ३ दिनसम्म प्रयोग गर्न सकिने सुविधा भएकोले यसले डेटा चाहिने तर थोरै प्रयोग गर्ने ग्राहकहरूलाई विषेश महत्व राख्दछ ।
ग्राहकहरूले एनसेल एपबाट वा एष्ट्रिक्स१२३ एष्ट्रिक्स ४ एष्ट्रिक्स २ एष्ट्रिक्स १ ह्यास डायल गरेर यो प्याक खरिद गर्न सक्छन् ।
यो प्याक इन्टरनेट ब्राउजिङ, मोबाइलमार्फत डिजिटल कारोबार गर्न तथा स्पोटिफाई जस्ता प्लेटफर्महरूमा गीतसंगीतको मजालिने लगायतका कार्यका लागि उपयुक्त भएको एनसेलको भनाइ छ ।
प्रतिक्रिया