एसपीजी अटोमोबाइल्सद्वारा आईकार भि–२३ सार्वजनिक

काठमाडौं, ९ भदौ । नेपालमा ओमोडा एन्ड जेइकोको गाडीको आधिकारिक वितरक एसपिजि अटोमोबाइल्सले बहुप्रतिक्षित ‘आइकार भि–२३’ सार्वजनिक गरेको छ । आज गैरीधारास्थित सिल्भर ओकमा आयोजित ‘प्रिभ्यू कार्यक्रम’ मा ‘आइकार भि–२३’ सार्वजनिक गरिएको हो ।

ओमोडा एन्ड जेइको र आइकार दुवै चिनियाँ अटोमोबाइल निर्माता ’चेरि ग्रुप’ को हिस्सा हो । जसले विगत दुई दशकदेखि चीनको सबैभन्दा ठूलो अटोमोबाइल निर्यातकर्ताको स्थान कायम राख्दै आएको छ । चेरिले विश्वका ८० भन्दा बढी मुलुक र क्षेत्रहरूमा निर्यात गर्दै विश्वभर १ करोड ३० लाख भन्दा बढी सवारीसाधन वितरण गरी बलियो अन्तर्राष्ट्रिय उपस्थिति बनाएको छ ।

आइकार भि–२३ ले रगेड एस्थेटिक्स र अत्याधुनिक प्रविधिको संयोजनमार्फत आफ्नो श्रेणीमा नयाँ ’बेन्चमार्क’ स्थापित गरेको छ । साइबर टेक डिजाइन सहितको यो रेट्रो–क्लासिक एसयुभि टफ (मजबुत) मात्र नभई अत्यन्त सुक्ष्म इन्जिनियरिङमा आधारित छ । यसमा १०० किलोवाटको सिङ्गल मोटर सेटअप रहेको छ, जसले १८० न्युटनमिटरको टर्क प्रदान गर्छ, साथै ५९.९३ किलोवाट आवरको ब्याट्री प्याकसहित उपलब्ध छ । यस एसयुभीको लम्बाइ ४,२२० मिलिमिटर, चौडाइ १,९१५ एमएम, उचाइ १,८४५ मिलिमिटर र विलबेस २,७३५ मिलिमिटर रहेको छ, जसले सन्तुलित उपस्थिति (स्टेन्स) र स्पेसियस प्रपोसन्नस (बनावट) सुनिश्चित गर्दछ ।

नेपालसहित विश्वभर रगेड देखिने विद्युतीय सवारीसाधनप्रति बढ्दो उपभोक्ता चासोलाई प्रतिबिम्बित गर्दै, भि–२३, छ वटा विभिन्न रंग विकल्पमा उपलब्ध हुनेछ । यसको क्याबिनले आराम र व्यावहारिकतालाई प्राथमिकता दिएको छ । अगाडिको प्रशस्त स्पेसले दुवै ढोकाबाट सजिलै भित्र आउने र निस्कने गर्न मद्दत गर्छ भने पछाडिको रियर सिटिङ अझ फराकिलो छ । यस एसयुभिको भित्र विशेष रूपमा डिजाइन गरिएका ‘मेकानिकल नबहरू (डायलहरू)’ रहेको छ, जसले ट्याक्टाइल (स्पर्शजन्य) विशेषताहरूलाई र आधुनिक स्टाइलिङमा प्रस्तुत गर्दछ । यो एसयुभिको ७० प्रतिशतभन्दा बढी भाग, हाइ– स्ट्रेन्थ–स्टिलको प्रयोग गरी हाइ– रिजिडिटी बडीमा निर्मित रहेको छ । भि–२३ ले ’इन्टरप्राइज ग्रेड ब्याट्री सेफ्टि’ मापदण्ड पालना गरेको छ, जसले ष्ऋब्ग्च् को टिकाउपन र सुरक्षाप्रतिको प्रतिबद्धतालाई झल्काउँछ ।

कार्यक्रममा सहभागीहरूले गाडीको ’इन्टेलिजेन्ट टेक विशेषताहरूको प्रत्यक्ष अनुभव गरेका थिएभने ड्राइभिङ अनुभव पनि लिने मौका पाएका थिए। ओमोडा एन्ड जेइकोकोसमेत आधिकारिक वितरक एसपिजि अटोमोबाइल्सले नेपाली ग्राहकहरूका लागि विद्युतीय सवारी अनुभवलाई नयाँ स्तरमा पुरÞ्याउने लक्ष्य राखेको छ । आइकार एक नयाँ पुस्ताको विद्युतीय सवारीसाधन ब्रान्ड हो जसको ग्लोबल सार्वजनिकिकरण अगस्ट २०२५ मा भएको हो । यसको पहिलो मोडल भि–२३ नेपालमा समेत छिट्टै सार्वजनिक हुँदैछ । जसले रगेड एडभेन्चर रेडि क्षमता र स्मार्ट प्रविधिलाई एकैसाथ जोड्दै एसयुभि श्रेणीमा नयाँ परिभाषा दिन्छ ।

एसपीजी अटोमोबाइल्स प्रा.लि.बारेमा
एसपीजी अटोमोबाइल्स प्रा.लि. नेपालमा ओमोडा र जेइको गाडीहरुको आधिकारिक वितरक हो । कम्पनीले नेपालमा Omoda E5, Jaecooj6 र हालसालै लोन्च भएको jaecoo j5 बिक्री गर्दै आएको छ ।