मेरो लागि मन्त्री पद ठूलो कुरा होईन, पदबिना पनि काम गर्न सकिन्छ : ऋषि धमला (भिडिओ-सहित)

काठमाडौं, १६ मंसिर । रिपोर्टर्स क्लब नेपालका सभापति तथा प्राइम टिभीका अध्यक्ष ऋषि धमलाले आफू यो देशको परिवर्तनको लागि भएका हरेक आन्दोलनमा सरिक भएको बताएका छन् । अहिले आफूलाई राजनीतिमा आउनको लागि धेरै नै प्रस्ताव आएको पनि उनले खुलासा गरे ।

आज (मंगलबार) नेपालगञ्जमा नेपाल सम्वाद क्लबको उद्घाटन गर्दै आफूलाई जेनजी आन्दोलनलगत्तै बनेको सरकारमा मन्त्री बन्नको लागि पनि प्रस्ताव आएको खुलाए । तर, आफूले उक्त प्रस्ताव अस्विकार गरेको उनको भनाई छ । उनले भने,‘जेनजी आन्दोलनपछि मलाई मन्त्री बन्न अफर आएका थिए, तर मैले मन्त्री बन्न अस्विकार गरें । मैलेको भनेको थिएँ कि मन्त्री मेरो लागि ठूलो कुरा होईन, देश र जनता नै ठूलो कुरा हो । पदबिना पनि मान्छेले काम गर्न सक्छ भन्ने उदाहरण ऋषि धमलाले देखायो । मान्छेको विचार, दृष्टिकोण र चिन्तन ठूलो कुरा हो । महात्मा गान्धी कहिल्यै प्रधानमन्त्री बन्नुभयो ? तर उहाँले भारतलाई स्वतन्त्र बनाउनुभयो ।’

भारत, चीन र सिंगापुरले विकासमा फड्को मारेको उदाहरण दिँदै नेपाल विकास हुन नसक्नुको कारण दुरशर्दी र विकासको भीजन नभएको नेतृत्व नै प्रमुख कारण भएको धमलाले खुलाए । नरेन्द्र मोदीको सफल नेतृत्वको कारण भारतले विकास गरेको उदाहरण दिँदै आज नेपाल किन विकास भएन भनेर सोच्नुपर्ने बेला आएको उल्लेख गर्दै उनले भ्रष्टाचारलाई अब जरैदेखि उखेलेर फाल्नुपर्ने आवश्यकता औंल्याए । उनले भने,‘नेताहरु भ्रष्टीकरणको बाटोमा लाग्दा देश विकास भएन । तर, अब युवा जागिसकेका छन् । तातिसकेका छन् । अब देशको नेतृत्व युवाले गर्नुपर्छ ।’ file photo