बदलिएको कांग्रेस देशको विकासका लागि नेतृत्व लिन तयार छः महामन्त्री पौडेल

काठमाडौं, १९ माघ । नेपाली कांग्रेसका महामन्त्री प्रदीप पौडेलले बदलिएको कांग्रेसले देश विकासको नेतृत्व गर्ने बताएका छन् । काठमाडौं क्षेत्र नम्बर ५ का मतदातासँगको भेटघाट कार्यक्रममा उनले कांग्रेस देशको विकासका लागि नेतृत्व लिन तयार रहेको बताए । महामन्त्री पौडेलले नागरिकको अपेक्षाअनुसार नै पार्टी सुधार गरिएको बताए ।

‘कांग्रेससँग नागरिकका धेरै गुनासा र अपेक्षा छन् । नागरिकका गुनासा सम्बोधन गर्न कांग्रेसलाई निर्वाचित गराउन आवश्यक छ,’– महामन्त्री पौडेलले भने ।

आम निर्वाचन २०८२ का लागि देश विकासका भिजन समेटिएका घोषणा पत्र तयार गरिँदै गरेको उनको भनाइ थियो । सो घोषणापत्रले नागरिकका चाहना सम्बोधन गर्दै देश विकासको अबको मार्गचित्र तय गर्ने महामन्त्री पौडेलले बताए ।

‘नागरिकको अपेक्षाअनुसार देश बदल्ने यात्रामा प्रमुख १० प्राथमिकता तय गरेर हामी अघि बढ्दैछौँ । तपाईँहरु सबैको साथ र सहयोगको अपेक्षा गरेका छौँ,’– महामन्त्री पौडेलले भने । File Photo/RN