सुरक्षा मामिलामा युरोपले आफ्नो जिम्मेवारी लिनुपर्छ : ईयू प्रमुख भोन डेर लेयन

म्युनिख, जर्मनी, २फगुन  । युरोपले आफ्नो सुरक्षाको लागि थप जिम्मेवारी लिनुपर्ने युरोपेली आयोगका प्रमुख उर्सुला भोन डेर लेयनले शनिबार म्युनिखमा आयोजित सुरक्षा सम्मेलनमा बताएकी छिन् ।

“युरोपको सुरक्षालाई सधैँ प्राथमिक जिम्मेवारीका रूपमा नहेरिएको बताउदै उनले आगामी दिनमा गहनताका साथ हेर्नु पर्ने बताएकी हुन् ।

समयानुकुल प्रभावकारी प्रहार क्षमताहरूमा रणनीतिक सक्षमता सहितको युरोपेली मेरुदण्ड विकास गरी अगाडी बढ्नु पर्ने उनले बताएकी छिन् ।

आक्रमणको घटनामा एकअर्काको रक्षा गर्न युरोपेली सङ्घका सदस्य राष्ट्रहरूले सामूहिक प्रतिबद्धताको आवाश्यकतालाई उल्लेख गर्दै उनले निषेधलाई चुनौती दिदै अगाडी बढ्नु पर्ने बताएकी छिन् ।

यसै विच उनले युरोपको आपसी रक्षाको प्रवाहलाई व्यवहारमा ल्याउने समय आएको बताएकी छिन् ।

अमेरिकाले नेटोमा आफ्नो लगानी घटाउने र रूससँग सम्भावित द्वन्द्वका लागि तयारी गर्ने धम्की दिए पछि सन् २०३० सम्ममा विश्वसनीय रक्षा प्रणली विकास गर्न युरोपले ऐतिहासिक पुनः शस्त्रीकरण प्रयास सुरु गरिसकेको जनाइएको छ । रासस