देशभर मतदान केन्द्र र मतगणनास्थल निर्माणको चटारो (फोटोफिचर)

काठमाडौं, २० फागुन । प्रतिनिधिसभा निर्वाचनअन्तर्गत बिहीबार मतदान हुँदैछ । मतदानका लागि यतिबेला देशभरका १६५ निर्वाचन क्षेत्रमा तयारी तीव्र पारिएको छ । निर्वाचन सामग्रीसहित मतदान केन्द्र र मतदानस्थलहरुमा पुगिसकेका सुरक्षाकर्मी, कर्मचारीहरु मतदान केन्द्रको व्यवस्थापनमा लागेका छन् ।

कतिपय हिमाली जिल्लामा भने हेलिकप्टरबाट निर्वाचन कर्मचारी, सुरक्षार्की र निर्वाचन सामग्री ढुवानी गरिएको छ । यतिबेला सबै निर्वाचन क्षेत्रमा मतदान केन्द्र, मतदानस्थल तथा मतगणना स्थल निर्माणको काम भइरहेको छ । त्यसैगरी सुरक्षाकर्मी परिचालन र सुरक्षाका विषयमा सर्वदलीय बैठक राख्ने कामसमेत भइरहेको निर्वाचन आयोगले जनाएको छ । मतदानका लागि महिला, पुरुष, वृद्धवृद्धा, अपांगता भएकाहरुलाई छुट्टाछुट्टै लाइनको व्यवस्था गरिने आयोगले जनाएको छ ।