मध्यरातमा भूकम्पकाे धक्का

काठमाडौं, चैत १८ मुगुमा ४ म्याग्निच्युडको भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार भुगुको धैनकोट आसपास केन्द्रविन्दु भएर गएराति २ बजेर २२ मिनेटमा भूकम्प गएको हो।

आसपासका जिल्लाहरुमा पनि भूकम्पको धक्का महसुस गरिएको थियो। भूकम्पबाट के कति असर भयो भन्ने बारेमा विवरण प्राप्त भएको छैन। यसअघि चैत १२ गते दार्चुलाको मुराई आसपास केन्द्रबिन्दु भएर चार म्याग्निच्युडको भूकम्प गएको थियो।

त्यसअघि चैत ९ गते दार्चुलाकै मुराई आसपास केन्द्रविन्दु भएर ४.२ म्याग्निच्युडको भूकम्प गएको थियो भने चैत ३ गते दार्चुलाकै सितौला आसपास केन्द्रविन्दु भएर ४ म्याग्निच्युडको भूकम्प गएको थियो ।