स्ट्रेट अफ होर्मुज खोल्ने र युद्ध अन्त्य गर्ने इरानी प्रस्ताव,अमेरिकाले के गर्ला ?

तेहरान । इरानले अमेरिकासमक्ष नयाँ प्रस्ताव प्रस्तुत गरेको छ । यसमा स्ट्रेट अफ होर्मुज पुनः खोल्ने र जारी द्वन्द्व अन्त्य गर्ने विषय समावेश रहेको बताइएको छ । एक्सियोसको रिपोर्टअनुसार, यो प्रस्ताव पाकिस्तानमार्फत मध्यस्थताको रूपमा पठाइएको हो ।

प्रस्तावमा तत्काल युद्ध अन्त्य गर्ने र स्ट्रेट अफ होर्मुज भएर जहाज आवागमन पुनः सुरु गर्ने व्यवस्था समावेश गरिएको छ भने आणविक वार्तालाई पछि सार्ने सुझाव दिइएको छ ।

रिपोर्टले एक अमेरिकी अधिकारी तथा विषयमा जानकारी भएका अन्य स्रोतहरूलाई उद्धृत गर्दै यो पहललाई तनाव घटाउने सम्भावित प्रयासका रूपमा व्याख्या गरेको छ । प्रस्तावबारे इरान र अमेरिकाबाट आधिकारिक प्रतिक्रिया अझै सार्वजनिक भइसकेको छैन ।