ओमानलाई हराउँदै नेपाल फाइनलमा

काठमाडौं, जेठ २४ । एसियाली खेलकुद छनोटको सेमिफाइनलमा ओमानलाई हराउँदै नेपालले फाइनलमा स्थान बनाएको छ । सिंगापुरको सिंगा ओभल ग्राउन्डमा आज विहान भएको खेलमा नेपालले ओमानमाथि ८ विकेटको जित हासिल गरेको हो ।

ओमानले दिएको ९५ रनको सामान्य लक्ष्य नेपालले ९.२ ओभरमा २ विकेटको क्षतिमा लक्ष्य पार गरेको हो । नेपालले अब सोमबार हुने फाइनलमा हङकङ र मलेसियाबीच खेलको विजेतासँग खेल्नेछ । हङकङ र मलेसियाबीच दिउँसो सवा १२ बजेदेखि खेल हुनेछ ।